Shillong: Uwei u pulit langrut, ula pynkut noh ia la ka jong ka jingim katba u dang don ha ka kam ban pahara ia ka ïingsah jong u Additional Judge ka Ïing kashari jong ka Meghalaya High Court, kaba don ha Kenches Trace, Laban.
Kane ka jingjia ka la jia hynnin ka step sngi Balang. Une u pulit ba la tip kyrteng kum u Chiran Moshahary ula shim ia ka jingim lajong da kaba siat ialade da ka suloi ba la ai ban pahara. U Chiran Moshahary u dei uba sah ha Police Quarter ha Police Reserve, Jail Road, Shillong.
Ka daw jong ka jingshim noh jong une u briew ia la ka iingim lajong ym pat lah satia ban tip hynrei ki bor pulit ki dang pynlong ia ka jingtohkit ban lap na kaei ka daw ba u shim ia ka jingim lajong.
Ka metiap jong u ne u pulit langrut la shimti noh da ki pulit ka Laban Police Station ban leh ia ka Post Mortem.
Phi don ban ong eiei?