Kwah U Rakkam, ia ka VPP, ba kan ioh jinghikai shwa na ka NPP

Shillong:U Myntri sorkar uba dei ruh u nong ialam ka National People’s Party (NPP), u Rakkam Sangma u la ong ba ka parti thymmai ka Voice of the People party (VPP) ka dang hap ban ioh jinghikai shwa ba kin iadur bad ka NPP kaba la kham iaw ha ka elekshon MP sha ka Lok Sabha kaban long shen.

“Ym dei ban don u pud ia kano kano ka seng sain pyrthei, ym dei ban don ka jing pyniapher jaitbynriew. Ki seng sain pyrthei ne ki nongialam ki dei ban pdiang da baroh ki jaitbynriew bad ka nongrim jong ka jingiatylli hapdeng bun jait ki jaitbynriew ka dei ban ieng”, la ong u Rakkam.

Haba khyrwait nia ia ka VPP, u Rakkam u la ong ba ki seng sain pyrthei kim dei ban dro ia u lain ka jingiapher bad halor kane ka nongrim, ka VPP ka dei ban ioh jinghikai shwa khnang ba ki paidbah kin sngewthuh ban pdiang ia ka.
U la ong ba ka VPP kan ym don jingma eiei ia ka NPP wat la ka phohsniew ban jop na Shillong ha ka MP elekshon, hynrei kan dei ka jingphoh sniew kaba jngai bah.