Kem ding ka kamra iathoh, iap 100ngut ha shen, ha Iraq

Ka la don ka jingkem ding, kaba jubor bha, hynnin ka miet, ha ka jaka iathoh shongkurim ha Iraq bad ha katei ka jingjia, ki la don 100ngut kiba la iap ei bad sa 150ngut kiba mynsaw, ong ka khubor.

Ka jingjia, ka dei ha Hamdaniya, jong ka jylla Nineveh bad ka dei ka jaka, kaba ki bun bha ki Kristan, kaba don shabar jong ka Mosul bad ka jngai kumba 335 Kilometre shatei jong ka Baghdad.

Ki dur, ba la pyni ha ki television, ki pyni, ba kumno ka ding, ka la klang, ha ka jaka iathoh shongkurim bad ki don sa bun bah, kiba leit sha katei ka jingkhawai, kiba iaphet krad na katei ka jingjia.