“To pynim ialade”

AIS Suja

“To pynim ialade” ka dei ka jingialap ka jong u Petros ha ka sngi Pentecost, ha ki Rangbah Israel, ha ki Rangbah Judia bad ha kita kiba shong ha Jerusalem, mynba u Mynsiem Bakhuid u la hiar bad u la trei bor bah lyngba ki Apostol kum u Apostol Paul bad u Apostol Petros. Bad ia kane ka Kitab kA kam ki Apostol la thoh da u Loukas (Dr. Luke) ha ki snem 65 A.D. U Petros u khot ia ki bynriew sha ka miej ka jingkylla kaba mut ym tang da ka ktien hynrei da ki kam. Namar ha kito ki por, ki briew kim pat da tip da sngewthuh shaphang u Jisu, bad wat haba ki la tip ruh kim kwah ban ngeit ha ka jingshisha jong ka Gospel u Khrist.

Dei na kata ka daw, u Petros u pyrta da kaba ong – Ko phi ki rangbah Judia bad phi baroh kiba shong ha Jerusalem to tip ia kane to shah shkor ia ki ktien jong nga. Ki kam ki Apostol 2:14. Bad ha ki rangbah Israel pat u pyrta – Ko ki rangbah Israel, to sngew ia kine ki ktien: ia u Jisu uba na Nazareth u briew uba u Blei u la pyni shynna ha phi da ki kambah bad da ki jingphylla bad ki dak khyllah de.
Ha ki Israel pat, u Petros u pyrta – To ka iing Israel baroh kawei namar kata kan tip skhem ba u Blei u la pyllong u Trai bad u Khrist ia une ujuh u Jisu ia uba lah sahnarphna ma phi. Ki kam ki Apostol 2:22-36.

Hadien kane ka jingialap jong u Petros la dung ngak ia ki dohnud jong ki baroh bad ki la ong ha u Petros – Ah para kumno ngin leh? U Petros te u la ong ha ki – To phin kylla kabamut bad yn Pynbaptis ia phi uwei pa uwei HA KA KYRTENG U JISU KHRIST, IA KA BAN IOH MAP KI POP bad phin ioh diang ia ki jingai u Mynsiem Bakhuid. Ki kam ki Apostol 2:37-38. Dei halor kane ka nongrim jong ka jingkylla bamut ba u Petros u khot ia u paidbah, ban pynim ialade “To pynim ialade”. Namar ka jingpynim kam lah ban wan nangno nangno na ki niam ki rukom ne jingngeit kiba bun rukom ha kane ka pyrthei, hynrei tang da kawei ka lynti ka long – To phin kylla kabamut, bad yn pynbaptis ia phi. Repent and be baptized everyone of you in the name of JESUS CHRIST for the REMISSION OF SINS……. Ki kam ki Apostol 2:38.

Ym don da kawei pat ka excuse ne ai daw ha khmat u Blei na ka bynta ka jingpynim ia la ka mynsiem lait noh na ka lynti ka jingkylla kabamut bad kaba phla noh ia la ki pop, bad yn pynbaptis ha ka KYRTENG U JISU KHRIST BAN IOH MAP NOH IA KI POP. To tip ba dei tang ha ka kyrteng u Jisu kaba donbor ban map ia ki pop jong u bynriew ka pyrthei. Balei? Namar u Jisu u la ong da lade – “La ai ha NGA KA BOR baroh ha BNENG bad ha KHYNDEW” Mathaios 28:18. La ai bor ha u Jisu ha Bneng bad ha Pyrthei. Namar kata ym don ka jingpynim hano hano kawei pat. Ym don kawei KA KYRTENG hapoh ka Bneng ia kaba la ai hapdeng ki briew kaba lah ban pynim ia ngi. Ki kam ki Apostol 4:12.

Namar kata, u Petros bad ki Apostol ki la iathuh ki ia ong – “Ngi dei ban kohnguh ia u Blei khamtam ban ia ki briew” ki kam ki Apostol 5:29.
Kane kajuh ka ktien u Blei ka dang kren mynta. Ym lah ban aidaw ia u Blei. Hynrei ngi dei ban kohnguh ia u Blei ban ia ki briew khnang ban pynim ialade “TO PYNIM IALADE” Ki kam ki Apostol 2:40.