Nongpoh: Kawei ka longiing Khasi ha shnong Barapathar, ka shnong kaba don ha ki thain Umtyrnga bad kaba don ha khappud bad ka jylla Assam, ki la mad ia ka jingshah byrngem da ki tien sniew tien smeh ha arngut ki briew, kiba la tip kum u Tutu Majumdar bad u Nurul Islam, kiba na ka jylla Assam bad kiba la wan shong sahwai ha katei ka shnong.
Haba iadei bad katei ka jingshah byrngem ha kitei ki arngut ki birew bad kaba dei ruh ha ka sien ba-ar, na ka liang katei ka longkmie, ka la buh noh da ka ehajar sha ki Pulit ka Pilangkata outpost, khnang ba ki pulit kin kem ia ki bad ba kin ioh ban leh ia kaba donkam katkum ki kyndon ain.
La ong ba ka daw jong ka jingshah byrngem ia katei ka longiing kaba dei jong ka Kong Juki Marwet, ka dei namar ba ka la ai sngewbha ia ka jaka jong, na ka bynta ban shna ia ka top um jong ka skim Jal Jeewan Mission (JJM) na ka jylla Meghalaya hapoh katei ka shnong.
Wat na ka liang ki nongialam shnong ka Barapathar, lyngba u Bah Soni Nongtri, u la ong ba kitei ki arngut kiba la paw kyrteng ha ka ejahar, ki dei ki briew ba ju wanrah jingklumar bad kiba ju khanglad ban poi ki kam pynroi hapoh katei ka shnong, uba la ong ruh ba dei kitei hi kiba la donkti hakhmat hakhmat halor ka jingpynpra ia u Mawnongrim jong ka surok shnong lyngba ka skim MGNREGA, kaba la jia ha kine ki snem ba ladep hapoh katei ka shnong.
haba dei hapoh u pud Ri Khasi balei pulit Meghalaya kam nud ban kem ia kine ar ngut khar poiei..U Assam u leh katba mon bad rung bad arrest katba mon hapoh jaka khasi balei kumta mo?
hangne ka pyni ba ka jaidbynriew khasi ka lah iap.Piet nuksa Mizoram bad Nagaland phi tharai kine ki ar jaidbynriew kin ai jem kumba ngi iohi hangne ha jaka khasi.
Meghalaya is a failed state.Now it’s a banana republic.