Nongpoh:Ki nongialam ka Hynniewtrep Youths Council (HYC) Ri Bhoi, ia kaba la ialam da u Samla Shemphang Masharing, General Secretary HYC ha ryngkat ha jingsynran ki dkhot ka seng, mynhynnin ka sngi ki lah leit ban kynduh ia u Arpit Upadhaya, Deputy Commissioner ha Ri Bhoi bad uba long ruh kum u Chairman ka District Selection Committee ha Ri Bhoi, na ka bynta ban pan jingpynshai halor ka jingslem ban pynmih noh ia ka Results DSC ba ki samla thepkam, ki la dep thoh Ia ka eksamin naduh u snem 2021-2022.
Ka kyrwoh na u Shamphang Masharing, General Secretary ka HYC Ri Bhoi, ka ong ba katei ka jingleit kynduh da ki nongialam ka HYC, u Chairman ka DSC, u la pynpaw da kaba ong ba ka daw jong ka jingslem ban pynbna ia ka results DSC, ka dei namar ba la mih jingthut halor ka Roster System/Job Reservation Policy bad kaba la pynlong ba kan shimpor ha halor ka jingpynmih noh ia ka Results DSC.
Shuh shuh, u Chairman ka DSC, u la ong ruh ba ong ba na ka liang ka jong u, watla um lah ban ai ka tarik ba tikna, hynrei un shimkhia ban leh khamkloi ban pynbna noh ia ki result DSC ha Ri Bhoi na ka bynta ka jingmyntoi jong ki samla wad kam wad jam.
La ong ba ka nongrim kaba la pynlong ia ki nongialam ka HYC Ri Bhoi, ba kin leit kynduh ia u Chairman ka DSC, ka hadien ba ka seng ka la ioh ia shibun ki jingud jingnam na ki paidbah bad khamtam eh na kito ki samla thepkam na Ri Bhoi, kiba la sngewkhia eh halor ka jingpynslem ka DSC ban pynbna ia ka result DSC, pynkut ka kyrwoh.
Phi don ban ong eiei?