Thut ki jinglehkai ka MCA U-19 Boys IDCT, na ka daw u slap

Shillong:Baroh ar tylli ki jinglehkai jong ka Meghalaya Cricket Association’s U-19 Boys Inter District Cricket Tournament la hap ban pyn sangeh noh na ka daw ka jinghap u slap.

Ha Umbuda Nongpoh, ka jinglehkai ba dei ialeh na ka zone 1 Group A hapdeng ka Shillong Cricket Association A and Ri-Bhoi District Cricket Association, ym shym la ioh ban kawang wat tang kawei ruh ka bol na ka daw u slap.

Ka jinglehkai na ka zone 2, ka North Garo Hills DCA ka la ioh ban kamai 90/4 ha ki 14 over ha shuwa ba u slap un ioh ban pynsangeh ia ka jinglehkai.

Uba la tied bun u dei u Ritu Raj uba la tied 24 run na ki 17 bol katba u Sillang R Marak u tied 21 na ki 26 bol ha ka jingkamai run rate jong ka NGH da 6.43 run per over. U Silgar M Sangma u ioh shim wicket da 2/24 katba u Chengsrang S Marak u ioh 1/5 bad u Salchang Sangma 1/19.

Mynta ka sngi na ka Zone 1’s Group A, ka SCA -B kan iakhun pyrshah ia ka East Jaintia Hills DCA katba ka East Garo Hills DCA kan iakhun ia ka Tura DCA in Zone 2.