Yn iaid proseshon beit ki Rangbah Shnong, lada don jingkhanglad ruh

Shillong, 11 Risaw: Ha ka jingialang jong ki kaba la long ha sngi saitjain jong ka taiew ha Commu nitty Hall ha Jaiaw Shyiap & Lumpyllon, ka Synjuk Ki Rangbah Shnong (Sor bad Khap Sor), Shillong ba kynthup ia ka Mawlai Town Dorbar, Nongthym mai Pyllun, Shiliang Umkhen, Synjuk Upper Shillong bad Synjuk Laitkor Pyllun ki Rang bah shnong ki la rai bad pynskhem ba kin iaid proseshon beit ha ka 30 tarik mynta u bnai , ki la rai ruh ba kin ym kynran dien satia wat lada don kino kino ki dieng pyngkiang kiba thmu ban khanglad ne ban pynpulom ia katei ka proseshon bah jong ki. Ki la ong ba katei ka proseshon kan sdang naduh ka por 11 baje mynstep na Lachumiere.
Katei ka jingialang ka la pynrem ruh ia u myntri rangbah ka jylla u Dr.Mukul Sangma bad ka la dawa ba u dei ban hiar shuki noh bad kumjuh ruh ia ka kynhun myntri jong u naba ki la ong ba u la thombor ia ka hok jong u paidbah ka jylla. Ki la rai ruh ban sam paidbah ia ki kot lyngkdop ban pynshai paidbah ia ka nongrim ba ki la ieng ban iaid proseshon beit ha ka 30 tarik mynta u bnai.