Sangah U MP Congress, ia U Himanta; na ka jingsiew pisa ba T.10klur sha ka tnga jongu

Guwahati:U MP jong ka parti Congress na jylla Assam u Gaurav Gogoi, sa shisien pat u la kynthoh tyngeh ia u myntri rangbah jong ka jylla Assam, u Himanta Biswa Sharma haba iadei bad ka jingkynnoh ba ka lok jong u Himanta Biswa Sharma, ka Rinik Bhuyan Sarma, kaba la ioh 10 klur tyngka ka pisa kum ka jingiarap pisa na ka sorkar India.

Haba iadei bad ka jingpyllait khubor, jong u Himanta Biswa Sharma lyngba ka social media X,u la ong ba ka tnad Food & Processing lyngba ka website jong ka, ka pynpaw shai ia ka kompeni bad ki briew ba ka ia don bynta.
Ka 10 klur tyngka ka jingiarap pisa la dep ban mynjur bad lada ka website jong ka, ka shah khang, la dei ban phah sha u Myntri jong ka sorkar pdeng.

U Gogoi haba kynthoh haba iadei bad ka jingpyllait khubor da u Myntri Rangbah ka jylla Assam lyngba ka ladpathai khubor social media, ba ym dei satia ma u ne ka lok jong u, kaba ioh jingiarap pisa na ka sorkar pdeng.
U Gogoi u la pyni ruh ia ki kot, ba ka lok jong u Myntri Rangbah jong ka jylla Assam, ka don bad ia ka kompeni ba la tip kum ka Pride East Entertainment Pvt Ltd, ba la pyni kum kawei na ki kompeni, kaba la ioh ia ka jingmyntoi na kane ka jingiarap pisa da ka Tnad Food Processing jong ka sorkar pdeng.

Ka jingthoh hi ka paw ba ka Riniki Bhuyan Sarma jong ka Pride East Entertainment Pvt Ltd, ka dei kawei na ki nong ioh jingmyntoi na kane ka projek ba hap ha ka APC Skhim.