Jop ka Ri Bhoi ia ka SGH, ha ka 1st Semi final jong ka MCA U-19 Girls IDT

Shillong:Ha ka jingialeh ia ka semi final kaba nyngkong jong ka Meghalaya Cricket Association’s U-19 Girls Inter District Cricket Tournament, ka Ri Bhoi District Cricket Association kaba dei ka kynhun kaba hakhmat na ka zone 1 Group A ka la jop pyrshah ia ka South Garo Hills DCA kaba ieng hakhmat na ka zone 2 da lai wicket hadien ba ka Ankita Sharma ka la lah ban pynkhyllem 5/14 ba la ialeh ha Umbuda Ground Nongpoh hynnin ka sngi.

Ha ka jingkynting pisa, ka SGH ka la jop ia ka toss bad jied ban tied shuwa bad ka la lah ban kamai tang 77 run bad khyllem lut ki nongtied ha ki 18.4 over.
Tang mar ia sdang ka jinglehkai ka Ankita ka la ioh ban pynkhyllem ia ka nongtied kaba nynkong tang ha ka bol kaba nyng kong, hynrei hadien kane ka la don ka jingiapyneh na ka liang pyrshah ha kaba ka Ronjoli Basuma tary bad ka Marme M Sangma ki la lah ban ia ka mai mar 14 run katba ka Jaylynn R Marak ka la tied 13 run. Napdeng kitei ki lai ngut ki nongtied, arngut ki la hap noh ha ki bol jong ka Ankita katba ka Bimala Thakur ka la ioh ban pyn hap ia iwei pat da 1/18.

Ka Angelica Marin g ruh kumjuh ka la lah ban pynkhyllem 3 ngut ki nongtied da 24 run, katba ka Bancyful Mynsong ka ioh 1/6. Haba khmih ia ka rukom kawang bol jong ka Ri Bhoi, lah ban ong ba kane ka kynhun ka don ka jingadkar ha ka kawang bol ha kaba ka la pyllait tang 26 tylli ki extra.

Ha ka kylla miet, ka Ri Bhoi ka la lah ban beh ia katei ka thong ha ki 29.2 over. Na kane ka kyn hun, tang ka Angelica ka la lah ban kot sha ka j ing kamai kaba 10 run. Ka SGH kaba lah jop ha ki ar tylli ki jingialeh ha ka zonal match, hynnin ka sngi ruh ka la ialeh katba lah ban bol bha lait noh tang ha ki extra kiba ka la pyllait. Kiba la ioh ban shim wicket ki long ka Rikmanchi M Sangma da 2/13, ka Jaylynn bad ka Dianchidora N Sangma ki ioh mar 2/21 bad ka Marme ka ioh 1/13. Na barohk ki nongkawang bol ha kane ka tournament ka Rikmanchi ka dei kaba tbit bha ban bol da kaba ioh 10 wicket ha ki saw tylli ki jinglehkai
Ka jingiakhun ia ka semi final kaba ar kan long mynta ka sngi hapdeng ka Shillong Cricket Association kaba dei ka kynhun kaba nynkong na ka zone 1 Group B, pyrshah ia ka Tura DCA kaba ieng ba-ar na ka zone 2.