Shillong:U myntri rangbah barim ka jylla uba dei ruh u Adviser ka sorkar jyllla, u Bah DD Lapang u la iaroh ia ka sorkar Meghalaya Democratic Alliance (MDA) kaba ialam u Myntri Rangbah u Conrad K Sangma, kaba la lah ban pynneh ia ka shongsuk shongsain ha ka jylla.
Haba kren mynta ka sngi, u Bah Lapang uba la kynjoh sha ka 91 snem, u la ong ba ka shongsuk shongsain ka la wan dur ha kine ki snem bad ki kham bit kham biang ban ianujor bad kiwei ki snem ba la leit noh.
“Kam da don than ka jingthut ha ka shongsuk shongsain ha kine ki sngi kumba ngi la mad ha ki snem ba la leit, ha kaba ki don ki jingpyniap, jingkhihwin”, la ong u bah Lapang.
Halor ka jingiapynbeit pud bad ka Assam, u bah Lapang u la ong ba kane ka kam ka donkam ia ka jingaiti met bad mynsiem jong baroh ar tylli ki sorkar jylla.
Ha kajuh ka por, u la ong ba ka sorkar ka dei ban pynleit jingmut ha ki kam kiba iadei bad ka rep ka riang, ban kyntiew ia ka ioh ka kot jong ki nongrep.
Tang ka jingkren iaroh shida, ma ngi ki paidbah ngi I’m jynjar ha ka jingshynshar ka NPP , ngi kyrduh kam, wat ia ka jingpang ruh ngim tip kaei ka jingpang kaba ngi don namar ngim don Pisa ban phah test ne leit thied dawai, ka NPP ka pynjynjar ia ka jylla lyngba ka jingkyrduh, ka NPP ka long ka party ka ba tuh na u paidbah. Lada sa ar term u ioh ka NPP u shynshar ka jylla jong ngi sa tang ka ud ka iam briew suda.