Mar ia pyneh U VC NEHU bad ka MCTA, yn bteng ka jingiakhih ki nonghikai kolej

Shillong:Ki nonghikai college hapoh ka Megha laya College Teacher’s Association (MCTA) ki la rai ban bteng beit ia ka jingiakhih Non Cooperation Movement, hadien ka jingiakyn duh bad u Vice Chancellor ka skulbah NEHU halor ka jing pyntreikam ia ka NEP.

Hadien kumba 40 sngi ba ki Nonghi kai hapoh ka Megha laya College Teachers’ Association (MCTA), ki la pynlong ia ka Non Cooperation Movement halor ka rai jong u Vice Chancellor ka North Eastern Hill University (NEHU), ban pyntreikam ia ka National Education Policy, 2020, mynta ka lah sngi U Blei, na ka liang u VC, u Prof. Prabha Shankar Shukla, u la khot ia ki nongialam ka MCTA ban iakren, hynrei kumba ka paw kane ka jingiakren kam shym la lah satia ban pynmih ia u soh uba lah ban pynhun ia ki Nonghikai College.

U General Secretary ka MCTA, u Dr Airpeace W Rani, u la ong ba ha ka jingiakynduh na ka liang u VC, u la kubur ba ka don ka jingbakla ha kaba iadei bad ka notification ba la pynmih ha ka 12 tarik Naitung 2023, na ka bynta ban pyntreikam ia ka NEP, hynrei wat la katta, u VC u la kyntait pat ban weng noh ia katei ka notification da kaba ong ba um shym la ioh kano kano ka jingujor na ki Principal jong ki College. U Dr Rani u la iathuh ba dei halor kane ka jingbym treh jong u VC ban weng noh ia ka notification, wat haba u la kubur ba ki don ki jingduna, na ka liang ka MCTA ruh kan nym pat weng ia ka Non Cooperation Movement ba ka la sdang ban pyrshah ia ka rai u VC.