Ba pyntem jingrwai sain pyrthei; byrngem ka sorkar ban pynshitom, ia ka Principal jong ka Government HS

Shillong:Ka tnad pule pule ka jylla, ka la pan jubab na ka principal jong ka Government Girls Higher Secondary school, Jowai, kaba la shah mon sngewbha ia ki khynnah skul ban tem ia ka jingrwai ha ka jingrakhe ia ka sngi nonghikai ne teacher’s day ha ka 5 tarik Nailur 2023.

Ha ka shithi ha ka 8 tarik Nailur 2023, u Director ka tnad pule puthi u Swapnil Tembe, ula pan jubab na ka Principal, ba kan pynshai hato balei ym dei ban pynshitom ia ka, halor kane ka jingshah jongka, kaba long pyrshah ia ki rule ka sorkar.

Katkum ka jingtip, ha ka sngi rakhe ia ka sngi ki nonghikai kaba dei ka prokram sorkar, la pyntem da ka jingrwai Prah kaba dei ka jingrwai jongka seng sain pyrthei, Voice of the People Party (VPP). Katkum ka ain, ym shah ban tem ia ki jingrwai seng sain pyrthei, ha ki prokram sorkar ne official programme.