Lada ki ioh kem ianga, ne ngan iap, ha ka jingialeh, U Sainkupar ne ka HNLC kan iap noh?

Shillong: Mynta ka sngi, U bah Sainkupar Nongtraw, General Secretary cum Publicity Secretary jong ka HNLC, ula pynmih ia ka jingthoh ha ka facebook profile jongu, ha kaba u ong “Hato ka sorkar, ka ngeit ba lada ki ioh kem ianga, ne jia ba nga iap, ha ka jingialeh bad ki, u Sainkupar Nongtraw, un jah noh ne ka HNLC, kan iap noh?

Ha ka jingthoh ula ong biang “Em… Em, kata ka dei kaba bakla”. Ha katei ka jingthoh, um shym la batai shuh, ia kaei kaba pynlong, ba un kynthoh kumtei. Lah ban shu kynmaw, ba hynnin ka sngi, U bah Nongtraw, ula pynpaw, ia ka jingpyrshah jong ka seng HNLC, ia ka jingkhot hajir jong ka sorkar jylla, ia u, ha ka 30tarik Nailur 2023.