Shillong:U Myntri sorkar jylla u bah Paul Lyngdoh u la lyngngoh, ba kumno ka kompeni ka lah ban wanrah ia la ki jong ki paidbah ha ka jing sngap paidbah dang shen ha Thangskai, East JaintiaHill.
“Ka la don ruh ka jingkynnoh ba wat ki sengbhalang, ki iashim bynta ban kyrshan ia ki kompeni bad kane ka dei kaba jyrwit jyrwat bha”, la ong u bah Paul.
Ula ther ia ka bor district ka bym lah ban pynneh ia ka jingjai jai haba pynlong ia ka jingsngap paidbah ha katei ka sngi. “Ka jingmih ka huri hura ka paw ba ka bor district kam long kaba la pynkhreh”, ula ong.
Lah ban kdew ba ka Meghalaya State Pollution Control Board ka la pynlong ia ka jingsngap paidbah ha ka sngi Thohdieng ha Thangskai ban pan ia ka jingmynjur jong ki paidbah halor ka jingpan jingbit ka kompeni TopCem Cement ban pyniar ia ka par tih mawshun, haduh ba ka la wanrah ia ka jingpyni bor hapdeng ki paidbah ba pyrshah bad ki pulit bad, la don ruh bun kiba la mynsaw.
U bah Paul u la takrain ia ka bor district, ba kam long kaba la pynkhreh haba pynlong ia kum kane ka jingsngap paidbah kaba ialam sha ka jinghuri hura bad mynsaw.
Na ka jingpynpra ki paidbah ia ka pandal kaba la pynkhreh ban pynlong ia ka jingsngap paidbah, la pynlong noh ia ka jingsngap paidbah ha hall ka kompeni kaba la iaid beit bad bun kiba kyrshan, katba ki paidbah ba pyrshah kim ioh lad ban iashim bynta.
Ko bah Paul.,kumno lah ban wanrah jai jai ki bor district haba wat DC ruh u dang long kum u khynnah ban rah daka kti.,ngim lehrain mo haba kumne, haka jingshisha ki bor district ki dei nongpyniasuk hynrei ki long pynban kum ki nong pynhuri hura..nalor baki tip ba dei paitbah ruh..