Ka jingthok, kaba la jubor tasam, haba ula thok, haduh 100klur, ia ki blei ruh

Hyderabad: Ka jingthok jong ki briew, ka la jubor justi, ha kine ki sngi, ha kaba ki la nud ban thok, wat ia ki blei ruh bad katei ka jingjia, ka dei, ia uwei u briew, uba leit duwai ialade ha kawei ka temple, kaba pawnam bha bad ha katei ka jingleit, ula buh ruh ia ka cheque, kaba ula thoh haduh shispah klur tyngka, kum ka jingai sngewbha sha katei ka temple, kaba kyrteng ka Sri Varaha Lakshmi Narasimha Swamy temple (kaba la ju tip, kum ka Simhachalam temple) ha Visakhapatnam, jong ka Andhra Pradesh. Katei ka cheque, ka dei kaba khlem thoh tarik satia.

Ha ka por, ba ki nongtrei jong ka temple, ki leit ban lum ia ki jingai bapher, ki lap, ia katei ka cheque, ha ka 23tarik Nailar 2023 bad ki bor pyniaid jong ka temple, ki la iakren bad ka bank jong ka Kotak; hynrei, ynda haba la peit ia ka jingdon pisa jong utei u briew, ha katei ka bank, uba kyrteng, u Boddepalli Radhakrishna, uba don ia ka account number 8313295434, ka long tang 17 tyngka.