Shillong:Wat la ka la don ka jing ia pyni bor ba markylliang hapdeng ki pulit bad ki kynhun ba pyrshah, kiba bun na kiba pyrshah hi ki dei ki kynhun seng bhalang na East Jaiñtia Hills District, haba iadei bad ka public hearing ha Lumshnong, kum shibynta ban pyniar ia ka jing M/S Meghalaya Cement LTD(Topcem ) ka long kaba jop.
Ki nongiakhih pyrshah na Elaka Narpuh, ki la pyr shang ban rung jubor sha ka iing dorbar, kaba ki la pynlong ia ka jingiakhih pyrshah ha kaba ki la don ruh katto katne ngut na ki nongia khih pyrshah bad ki pulit ki la mynsaw.
Kine ki dkhot sengbhalang ba kyn thup na ka HANM, KSU kiba dei ki dkhot na Narpuh Elaka kyn thup ia kiwei pat kiba dei na Thangskai kiba la pynpaw ia ka jing pyrshah ia ka jing pynsngew paidbah ba la pynlong da ka Meghalaya State Pollution Control Board (MSPCB). Kum shibynta ban pynjai jai ia ki paidbah, ki pulit ki la hap ban siat da ki lyer pynsatkhmat bad bom da u lathi ia ki nongiakhih pyrshah.
Ka jingpynlong ia kane ka jingialang paidbah, ka long kum shibynta ban twad jingmut na ki paidbah nong shong shnong ha shwa ban ailad ia ka kompeni Meghalaya cement limited ba kan pynheh ia ka jingpynmih dewbilat na ka 2600 ton sha ka 4,500 ton ha ka shi sngi.
Wat la ka jingpyrshah bad pynibor ka jur bha shabar jong ka jaka ba pynlong jingialang, hynrei ha ka jingialang, la dep ban shim rai. Kiba ai jingkyrshan ia kane ka jingialang, ki kynthup ia u Rangbah shnong kiba hap ha elaka Narpuh, Wahiajer, Thangskai bad Chiehruphi.
Ki nongiakhih pyrshah ki la pynpaw ba kam don satia ka jingioh kam ioh jam jong ki briew ha kane ka thaiñ, lane ka roi ka par kiba la wanrah da kane ka kompeni dewbilat, hynrei ka shu pynjaboh ia ka mariang bad ka wanrah jingpang.
Katba kiwei pat kiba sah ha kane thain, ki la pynpaw ia ka jing bym sngew iahap jingmut ia ka jingkam jong kiba pyrshah, ha kaba ki ong ruh ba ka ioh kam ioh jam ka la kiew bha bad ka roi ka par ha ki shnong ki thaw ka la wanrah.
Na ka liang jong u senior vice President jong ka Meghalaya Cement Limited u Vikash Saraf, u la kam ba ki don tang katto katne ngut ki briew na ka shnong ba marjan, ha kaba ki la thaw kulmar bad pynheh ruh ba ki paidbah ki pyrshah ia kane.
Baroh ki ai ka jingkyrshan ia ka TOPCEM namar la ai ka jingkyrshan ha ka por ba ki donkam. U la kam ruh ba ka kompeni ka la shna Surok, ka la buh ki street light, ki ïingmane, bad kiba bun ki kam, ha kaba ki la thung kam ruh ia ki bad ki don ki NOC na ka elaka bad u Daloi bad ka jingkyrshan na ki paidbah ba bun.
ka lyer jaboh ba mih na kato ka kharkhana,,snawbha ia ring mynsiem tang ma phi ki 3 rangbah shnong ( thangskai,,wahiajer, cheruphi) lada ka lyer jaboh kato ka kharkhana jong phi ka leit beh sha kiwei ki shnong….ngin pynshitom kumno ia phi kiba kam Rangbah Shnong
ka lyer jaboh kato ka kharkhana snawbha ia ring mynsiem tang ma phi ki 3 rangbah shnong thangskai wahiajer cheruphi lada ka lyer jaboh kato ka kharkhana jong phi ka leh beh sha kiwei ki shnong…phi 3 rangbah shnong phi dei bah kitkhlieh ia kata baroh…lam kumta wat da sngew meng palat..