La pynkhreh ia ki dkhot ka Expert Komiti, halor ka thungkam

Shillong:Ka search committee, ba la thung da ka Sorkar, ka la dep ban pynkhreh ia ki kyrteng jong ki dkhot hapoh ka expert committee, ki ban bishar halor ka jingpynbeit thymmai ia ka Reservation Policy jong ka Jylla.

Ka chairperson jong ka Reservation Roster bad Reservation Policy Committee kaba dei ruh ka Myntri ha ka Sorkar, ka Dr Mazel Ampareen Lyngdoh, ka la iathuh ba ka search committee ba la khlieh da u Chief Secretary, ka la dep ban aiti ia ki kyrteng jong ki 5 ngut ki riewshem phang ki ban bishar bniah halor ka jingpynthymmai ia ka aiñ bhah kam lane ka Reservation Policy.

Ka la ong ba ia ki kyrteng jong ki 5 ngut yn sa rah noh shen hapoh ka Kynhun Myntri ban mynjur, bad ban thung ia u chairperson u ban khlieh ia katei ka kynhun kaba 5 ngut.