Ka jingwan rah ia ka District, ka long ban wan rah ia ka roi ka par

Albert Maring, umdap dumu, ri bhoi dist.

Ka jingwanrah ia ka district ha kano kano ka thain hapoh ka jylla, ka jingthmu ka long ban wanrah ia ka roi ka par ha baroh ki liang. Ban pynjan sha ki paidbah nong shong shnong ka district bad ka sorkar, ban kyntiew ia ka bha ka miat bad ka jingmyntoi jong ki paidbah ka district, kata naduh ka ioh ka kot, ka rep ka riang, ka riti ka dustur ka tynrai ka rukom im, ka ka mai ka ka jih, ka khaii pateng, ka pule ka puthi bad ka ioh kam ioh jam ia ki samla hapoh ka district.

Haba wan kino kino ki kam pyn roi, ki project, ki scheme hapoh ka district ki trai nong shnong ka district ki dei ban ioh jingmyntoi, ki dei ban ioh bynta ban pyn trei kum ki contractor, ki supplier, bad kumjuh ha ka ioh kam iohjam ia ki samla ha ki shlem ai jing hikai bad ki tnad ophis trei kam jong ka sorkar ba don hapoh ka district ki trai nong shnong ka district ki dei ban ioh jingmyntoi kham bun, la ka dei ha East khasi hills, ha jaintia hills, ha west khasi hills, ha ri bhoi district bad kumjuh ha kiwei kiwei ki district hapoh ka jylla. 80% dei ban ioh jingmyntoi ki trai district ha ka thung kam thung jam ha ki kam sorkar ba lait (vacancies post) kiba ha poh ka district level post) kata lyngba ka district selection committee, ka departmental selection committee bad kiwei kiwei ki committee ba katba dang don ki trai district dei ban ai lad shwa ia ki district naduh ka kamai ka kajih ka khaii ka pateng, kumjuh ha ka pule ka puthi bad ka ioh kam ioh jam ia ki samla ym ban shu wan tuklar bad shim kabu da kiba nabar jong ka district. Ka bhah thung kam hapoh ka district ka dei ban long beit 80% ia ki trai district bad 20% ia kiba nabar jong ka district bad ki wei ki wei ki kynhun hapoh ka jylla.