Nongpoh: Uwei u khynnah skul uba dang 18 snem ka rta bad uba dang pule klas 10 ha Morning Star Higher Secondary School, Mawroh, Nongpoh, u la mynsaw jur ha ki bynta ka kjat bad kti bad kata ka dei, hadien ba u la shah bat lympat ha ka bording ilektrik.
Ka tyllong khubor ba la iohlum, la ong ba katei ka jingjia, ka la jia ha ka por 12 baje eiei mynsngi, kata ha ka por ba utei u khynnah lem bad ki paralok jong u, ki dang leit ban pynkhuid ia katei ka skul, pynban ha kaba kum katei ka por, u la kum bat ia u pipe bad utei u pipe u la kum tyngkhuh bad u sainar bording jong ka MePDCL, kumta ha kaba kum katei ka por, utei u khynnah u la shah lympat tyngeh, kat haduh ba un da mynsaw jur ki ki bynta ki kjat bad ki kti jong u.
Haba iadei bad katei ka jingjia, la rah noh mar mar ia utei u khynnah sha Bethany Outreach Hospital, na bynta ban ioh ia ka jingsumar, hynrei namar ba u la kham shitom kham jur, la rah noh ia utei u khynnah skul sha ki Hospital kiba don ha Nongbah Shillong.
ka sorkar pap naduh ka Congress,UDP bad NPP..Kaba sngewlyngoh ka long ba balei u nongthep Vote khasi/pnar u biej haduh katta ban jied nongialam..Ki jied ban jingjar ha jaka ban jied ia kum u Syiem Solomon,Syiem David.Ngi jied nongthaw ain kiba pynriewspah shuwa ialade bad ki shna jing duk ia uto uba thep ia u…