Kwah buddien ka UDP, halor ka mat ILP bad ka ktien Khasi

Shillong: U Bah Metbah Lyngdoh u la shah jied biang kum u President ka United Democratic Party (UDP) ha ka sien kaba ar jong ka samoi 2023-2026. Ia u bah Metbah la jied bad pynskhem ka General Council jong ka party kaba la long ha kane ka sngi Saitjain.

U Dr. Jemino Mawthoh ruh u la shah jied biang ha kane ka kynti ban bteng ia ka kam kum u General Secretary ka party.

Kiwei pat kiba la shah jied kum ki nongkitkam ki long Working President:- Bah Paul Lyngdoh, Bah Titos Chyne, Ma Nujorki Sungoh, Ma Lakmen Rymbui, Bah Donbok Khymdeit, Pa Rikman Sangma, Pa L.C Momin, Bah Renikton Tongkhar. Vice President:- Bah Allantry F Dkhar, Bah Process Sawkmie, Ma Shitlang Pale, Bah Mayralborn Syiem, Secretaries:- Ma Lasky Rymbai, Bah Jambor War, Bah Balajied Ranee, Bah Mitchell Wankhar, Ma Winning Sungoh, Bah GG Bung Snaitang, Dr Aman War, Bah Teinwell Dkhar, Bah Monarch Shabong. Joint Secretary:- Bah Ryngkat Lyndem, Bah Sunshine Makri, Bah Anvil Lyngdoh, Ma Tirot Sing Suchiang, Finance Secretary:- Ma Michael War, Joint Finance Secretary:- Bah Markynsai Khongwir, Treasurer:- Bah Beyondstar Kurbah. Women’s Wing: President :- Kong Pretty Kharpyngrope, Secretary:- Kong Wandashisha Rynjah. Youth Wing:- President :- Ma Kyrmen Shylla, Secretary:- Bah Balajied Synrem. Farmers Wing:- President :- Bah Ollan Sing Suin, Secretary :- Bah Synshar Roy Lyngdoh Thabah, Joint Secretary:- Bah Remington Pyngrope.

Ha kane ka sngi, u bah Metbah u la ong ba ka party kan sa iakren biang bad ka Sorkar Jylla ia ka jingdawa ILP bad ithuh ia ka ktien Khasi bad Garo haduh ban da urlong.

“Ngin sa iakren biang bad u Myntri Rangbah ka Jylla ban buddien ia kine ki kam khnang ba kin dup urlong noh” la ong u Bah Metbah.

U Bah Metbah u la ong ba kane kam dei ka sien kaba nyngkong ba ka kynhun myntri ka kynduh ia u Myntri Rangbahduh u Narendra Modi na ka bynta ba un tuklar lem halor kine ki ishu ba kongsan ka Jylla.