Nongpoh:Ki nongialam jong lai tylli ki kynhun seng bhalang, kiba kynthup ia ka HNYF, UHM bad HITO, hynnin ka janmiet ki la pynphai dien noh ia 23 ngut ki bar jylla ki bym don kot don sla bad kiba la thmu ban wan trei bylla pom siej ha kawei na ki jaka kaba don ha ka thain Jirang.
Ki nongialam jong ki lai seng, kiba kynthup ia u bah Airmen Wahlang, Vice President ka HNYF, nangta u bah Mormesor Rani, President ka UHM lem bad u bah Wos Thangkhiew na ka HITO, ki la kynnoh ba ia kitei ki bar jylla, kiba ym don kot don sla, la wan trei bylla la wan ialam da uwei u Khasi.
Haba iadei bad katei ka jingwanrah bar jylla da utei u rangbah Khasi, ki la pynpaw ia ka jingpyrshah kaba jur, namar ba u la wanrah ia kitei ki briew na bar jylla bad kiba ym don ia ki kot ki sla kiba biang, ka buh jingma eh ia ki briew ha katei ka thain hi baroh kawei, namar ba ki dei ki briew na bar bad ym tip ba ki dei ki briew kiba long kumno.
Ki nongialam jong kitei ki seng, hadien ba ki la dep ban pynphai dien ia kitei ki briew, ki la buh ruh ia ka jingmaham ia kiwei pat ki briew, ba nangne shakhmat ba kim dei shuh ban wanrah nongtrei na bar jylla, namar ba kan buh jingma ia katei ka thain hi baroh kawei.
Kynra Noh ha lumshnong kito ba trei company cement factory bun ki bym don kot satia..
Haka por ba nga trei ha ka wei ka company cement ha lumshnong East jaintia don ruh ki khar Bangladesh ba wan trei.