Shillong:Mynhynnin ka sngi na ka liang ka KSU Narpuh circle,ki rang bah shnong Elaka Narpuh lem bad ka jingsynranlang na ka Association jong ki draibar Sumo Kalaiñ Badarpur, ka Seng Samla Shnong Umkiang, Limestone Supplier Association Lumshnong bad ka seng kynthei Umkiang ba la wan mihkhmat da ka kong Deiwi Tongper lem bad ki spah ngut ki paidbah kynthei bad shynrang ki la pynlong ka jingiakhih ha surok NH-6 ha Tollgate Lumshnong da kaba lum lang shi jaka ryngkat ki jingthoh placard, jingpynrem ia ka NHAI bad sorkar jylla, namar ka jingkuman bad sngap mynthi khlem da pynshna ne maramot ia u surok.
Ha kane ka sngi, ka seng bad ki paidbah ki la khang khyrdep ruh ia ka jaka khrong khajna (Tollgate) jong ka NHAI bad la rai ba katba ym pat dep ka jingmaranot ne repair ia u surok haduh 60/70%, ia katei ka jaka khrong khajna, yn khang khyrdep beit. Ki bor District ki la wan ban pyrshang ban pynkynriah ia u paidbah da kaba kyntu ia kynhun ban weng ia ka jingiakhih, hynrei ka seng bad ki paidbah ki pyneh. La ioh ruh ban ia kren markhmat bad ki bor ba dei peit jong ka NHAI, ki la kular ban sdang noh ka jingmaramot ia u surok, hynrei ia katei ka jaka lum khajna, yn khang shwa kumba la ia rai.
Ha dieng pasoh ruh dei ban leh lang kumne na mar tollgate dieng pasoh kam ai jing iada ia u paidbah jong ka jylla ka long pynban ka jaka leh khla ki mynder ri ym ka jaka ba pyn im iaka jait Bynriew Hynniew Trep ki don ki khasi katto katne hynrei wat la katta ruh ngim don jing Shngaiñ eiei khyndiat’ruh na baki khasi kiba trei hangto ki shu long ka Stieh jong ki dkhar kiba pyn iaid iaka tollgate kaba hangtei
Ia ki toll gate ba don ha meghalaya ym dei ban ai lad ia ki mynder ban ai kam ai jam…la long thik Kum ba ai lad ia ki ban kin wan rung ha meghalaya khlem kot khlem sla