Ai ka FKJGP da ka Piano, sha ka skul ha shnong Tyrso

Nongpoh:Ki nongialam ka FKJGP North Khasi Hills District Unit, mynhynnin ka sngi ki la leit ban aiti ia kawei ka tiar tem (Piano) sha ka skul jong ka Balang Katholik, kaba don hapoh ka shnong Tyrso ha Ri Bhoi.

Haba leit ban aiti ia katei ka tiar tem, la sakhi da ka jingdon u Bah Luistar Lyngdoh, President ka FKJGP NKHD, ha ryngkat ka jingdon u Bah Mathias Mujai Rangbah Shnong, nangta ki nongialam ka seng, kiba kynthup ia u Bah Gabriel Sun, u Bah Banroy Wahlang Presi dent Umling Circle lem bad kiwei.

Haba iadei bad katei ka jingleit ai sngew bha da ka FKJGP, na ka liang ki nongpyniaid jong katei ka skul, ki la pynpaw ia ka jingsngew kmen kaba khraw eh, namar ba kin ioh ban pyndonkam ia katei ka tiar tem, bad kaba la pynkmen eh ia ki ka dei hadien ba ka jingkyrpad jong ki na ka seng, ki la ioh shisha ia ka jing iarap.