Ka jingpyntreikam ia ka NEP, ka la slem lypa 3 snem, ong U VC

Shillong:U Vice Chancellor ka skulbah North Eastern Hills University (NEHU) u Prof. P. Shukla, mynhynnin ka sngi, ula ong ba ka jing pyntreikam ia ka New Education Policy 2020 ka la slem lypa la lai snem bad lada dang iai pynslem, kan long ka jingma ia ki samla pule.

U la ong ba ia kane, la iakren ha ka Academic Council bad ka Executive Council kaba la pdiang ban pyntreikam. Ula ong ba ia ki Postgraduate cour ses la dep pyntreikam bad katkum ka rai mynta la dei sa ka pali ban pyntreikam sa ki undergraduate courses.
Ha kajuh ka por ula ong ba u long uba la kloi ban iakren ia ki nonghikai, ia ki Principal, ia ki kynhun ban pynbeit ia kano kano ka jingeh.

Ha kawei ka liang, ka seng ki babu college hapoh ka lama ka Meghalaya College Teachers Association kila kynnoh ba u Vice Chancellor ka skulbah North Eastern Hills University u Prof. P Shukla ula ialam bakla, namar ba ka Academic Council kam pat shim ia ka rai ban pyntreikam ia ka New Education Policy 2020.

Haba kren sha ki lad pathai khubor mynta ka sngi u Babu Airpeace Rani, u la ong ba ka MCTA kan pyrshah beit ia ka jingpyntreikam ia ka NEP ban shu pyntreikam khlem iaid katkum ki kyndon.
Ka MCTA ka la pynbna ia ka jingbym iatreilang bad u VC halor ka jingpynmih hukum ba baroh ki College kin pyntreikam ia ka NEP 2020 naduh ka 1 tarik Nailar 2023.