Bret kai ka sorkar T. 4 klur tam ba pyut ki dawai: CAG

Shillong, 02 Risaw:
Ka kaiphot jong ka Controller Auditor General (CAG) ka la sei  madan ia ka jingpynlut kai ia ka jingthied ia ki dawai hapoh ka National Rural Health Mission (NRHM), Meghalaya khlem ka jingtip jong ka Directorate of Health Services (Medical Institutions) ka la pynlong ban duh ei haduh T. 4.03 klur.
U CAG u la kdew ba ka jingduh jong ki dawai ka long na ka daw ba la thied palat ïa ka jingdonkam.
U CAG u la ong ba ha u snem 2010-11 haduh 2012-13 la don ka jingthied dawai kaba kot shaduh T. 16.65 klur na ka bynta ban sam sha ki hospital sorkar, CHCs bad PHCs.”Ia kine ki dawai la thied khlem ka jingtip khlem pan ia ki jingdonkam jong ki hospital bad kumjuh khlem ka jingtip jong ka Directorate of Health Services (Medical Institutions)”, la kynthoh kane ka kaiphod u CAG.U director ka NRHM um khlem ioh ïa ka jingkheiñ na ki jaka ai sumar jong ka Sorkar kaba kynthup ia ki hospital, CHC bad PHC bad kane hi ka la wanrah ia jingsniew jong ki dawai  haduh T. 4.03 klur namar la thied palat ia kaba donkam.
Ka CAG ka la lap ba ka NRHM, Shillong kam buh ia ka jingkheiñ kaba biang halor ka jingdonkam jong ki dawai khnang ban lah ban thied katkum ka jingdonkam.Katkum ki kot ki sla la pyni ba ki dawai ba shong dor kumba T. 11.62 klur la thied hapdeng u bnai Lber, 2011 haduh u bnai Lber, 2012.
Ka kaiphot jong ka CAG ka kdew ba ki dawai kiba shong dor haduh 8.72 klur la sam sha ki jaka ai jingsumar bad kumba T. 2.90 klur na ki dawai ki la sniew hadien ba kut not por.
Ka audit ka iohi ruh ha kane kajuh ka por kumba 20,12,500 u dawai kuli pynbha symbai shynrang Cap Zy 10  forte ha ka Jylla kaba shong dor kumba T. 7.14  crore la dep ban thied na ka bynta ban sha ki briew kiba don kane ka jingpang.Ka CAG ka la lap ba kumba T. 21.66 u dawai kuli Cap Zy 10  forte  ula sniew noh hadien ba kut jong ka por.U bah AL Hek hapoh ka Ïing Dorbar Thawaiñ u la ong ba katkum ka jingtip kiba don, u dawai kuli Zy 10 Forte la thied ha u 2011-12 katkum ka jingpan na ki hospital/distrik bad ong ruh ba ka jingdon ki dawai ka long 20.07 lak u capsule na ka jingpan kaba long 17 lak tylli.
“Ha u 2011-12, baroh lang, 1.44 klur tylli ki dawai kuli la thied bad baroh ki dawai la pyndonkam lut,” u bynrap biang.
Da ka thong ban tehlakam halor ka rukom thied ia ki dawai, u Myntri u la ong ruh ba ka sorkar ka la thung da ka Joint Procurement Committee hapoh ka jingpeit jong u Additional Chief Secretary bad Family Welfare Department ban peit.