Hadien ba khein biang ia ki marks, rung ka samla sha ka thup ki 10ngut ha ka HSSLC

Shillong: Hadien ka jingkhein biang ia ki marks, ha ka eksamin HSSLC, da ka Mbose, kumta sa kawei ka samla pule, ka ioh rung ha ka kyrdan jong ki 10ngut kiba ha khmat duh, jong ka eksamin HSSLC (Arts) 2023.

Ia ka jing pynkylla ia ka thup jong kiba wan ha khmat, ka dei hadien ba ka Riiahun Ika Siangshai, ka samla pule jong ka St Anthony’s Higher secondary school, ka pynpaw, ia ka jingbym mynjur jongka, halor ka rukom khein marks bad hadien ka jingkhein biang ia ki marks, kumta ka la ioh rung ha ka thup jong ki 10ngut kiba wan ha khmat duh, da kaba ka ioh 426 marks. Ka Riiahun Ika Siangshai, ka dei na ka shnong Moolamanoh, East jaintia hills.

U hynmen jongka, u samla Wailad Siangshai, haba ai jingtip sha U Rupang, u iathuh, ba katei ka samla, ka ioh 420 marks, hynrei, ynda la dep khein biang, ka poi sha ka 426 marks baroh.