Gangtok:Katkum ka kyndon aiñ Maternity Benefit Act 1961, ka la ai ia ka hok jong ki kynthei ban ioh jingsiew ha ka por ba ki pep trei kata ka long ha ka por ba ki kha khunlung kaba long hynriew bnai ne 26 taïew ka ban dei ka sngi shuti.
U myntri rangbah, jong ka jylla Sikkim, u Prem Singh Tamang ha ka sngi balang, u la iathuh ba ka sorkar jong u kan ai shuti ia ki nongtrei haduh 12 bnai ia kito ki kynthei ha ka por ba kha khunlung bad kumjuh ruh shi bnai na ka bynta jong kito ki shynrang ha ka por ba ki dang ioh khunlung.
U la ong ba kane ka jingleh, kan iarap shibun ia kito ki nongtrei sorkar ban ai ka jingsumar ba bha ia ki khun ki kti jong ki bad kumjuh ia ka long ïing long sem jong ki ruh.
U la bynrap ruh ba shen yn sa pynmih ia ka jingtip bad jingbatai ba kham bniah halor jong kane ka bynta.
Ki jylla phang shatei lammihngi jong ka ri india, ka dei ka jylla kaba duna briew tam hapoh jong ka ri India ha kaba ka jing bun briew ka don kumba 6.32 lak ngut ki briew.
U Tamang u la bynrap shuh shuh ruh ba ki kynhun ophisar ki dei kita ki budlum jong ka jylla, ha kaba iadei bad ka roi ka par bad ka ioh ka kot jong ka jylla Sikkim bad ki briew kiba shong ba sah hapoh jong kane ka jylla.
U la ong ruh ba ka long kaba donkam bad kongsan bha ban buh jingthmu halor kumno ban kyntiew ia ka imlang sah lang kaba lah ban long ka jingmyntoi ba khraw ia kiba bun.
U la ai ka jingkhublei ruh ia baroh kito ki ophisar ba dang thymmai kum ki IAS bad SCS jong ka jylla Sikkim bad u la ai ka kyntien kyrkhu kyrdoh ia ki, ba kin roi ki par ha ka jingim jong ki, kaba man ka sngi bad ha ka kam kaba ki trei.
Sa ong ia une u nongialam ka sorkar Sikkim ba u la ioh thump up na ngi.,bad ong ruh ba un hikai ia u CM jong ngi ruh bad ba ki 60 ngut ki MLAs kin hun hangta ba ngi ruh ngin iohi iaka jingbishar hok jong ki..