Shillong:Kan long kaei kaei kaba khyllah bha haba ïohi babun na ki bar jylla kiba wan wat tang katto katne sngi ne wat tang shisngi ruh sha Nongbah Shillong, ki la nud ban pynkylladur ïalade tang na kadaw ban khring ïa ki nongthied na ka bynta ki tiar ba ki wan die shane sha Shillong.
Ïa kane la lap ha ka step sngi Balang ba uwei u bar jylla uba, lada shu peit la ïohi kumba u dei uba dang shu wan poi sha Nongbah Shillong ban leit tyrwa die ïa ki dawai kyllan met, ba kthah met, bad kiwei ki jait dawai pang shyieng hapoh Ïewduh.
Ha kane ka jingleit die hapoh Ïewduh, la ïohi ba utei u bar jylla u la riam ïalade kum uwei na ki briew kiba jrong rynïeng da kaba ïuh halor ki siej kiba la pyndait ha la ki jong ki kjat bad ban ïaid kylleng ka Ïewduh ban tyrwa ïa la ki jong ki jingdie kiba dei ki dawai.
La ïohi ba marsien rung hapoh Ïewduh utei u bar jylla, uba ym lah ban tip u wan naei, u la sdang ban ïaid tyrwa die ïa kitei ki dawai napoh ka basa ba ju die ïa ki jaiñ secondhand bad ki tiar ïing kum ki khiew bad kiwei ki tiar.
Ki briew ne ki nongthied kiba ïaid na katei ka basa ki la shu ïa ang lyngngoh haba ïohi ïa utei u bar jylla ba u la riam bad leh khyllah ha katei ka por ba u la tyrwa die ïa kitei ki dawai.
La ïohi ruh ba tang hapdeng katto katne minit, ki briew ki la ïa tur ban thied ïa kitei ki dawai bad da kaba leh khyllah kumtei utei u bar jylla u la shu ïoh kamai ei kha ma kha, katba bun pat kiwei pat ki nongdie ba manla ka sngi hapoh Ïewduh ki ïa lyng-a bad shu hap ïalehkai Ludo naba ym don jingdie.
Lah ban pynkynmaw ba ha ka sngi ba-ar u Deputy CEM ka KHADC u Bah P N Syiem, u la ong ban pynkhlaiñ ïa ki aiñ Hima ban ïoh tehlakam ïa ka jingwan kyrthep jong ki briew ba nabar, bad kane ka long kaba dei bha, hynrei ka Council ka dei bha ruh ban khmihbniah ban peitngor ïa kum kitei ruh ki bar jylla kiba dang shuwan bad kiba ïoh pat ban khaïi laitluid katba mon hapoh ki jaka jong u pud u sam ka KHADC.
ha ba ka iew ka dei jong ngi ki khasi hynrei dap bt da u poi ei namar ki kynthei khasi ha iew bun ba kdup is u bar jylla n nai ia kren shuh sa kiwei pat ki dong ha sor shillong ba la don bun na ki bar jylla ba thied iing ha kyrteng ka kynthei khasi bad dng leh puja thik2
kamai mynta lah bun u dkhar ,,dei ban khang noh ki kali Assam ba block palat ..la I ngiah saka ialeh boss…peit kai sha nongstoiñ tang ki khasi suda ba shong dukan katno ka jingshngaiñ ma ngi pat shane shilong bad ribhoi sdang bun u dkhar ..leh kumno keiñ ki kynthei samla khasi bun ba trei ha jong u dkhar mynta..satang katno ngin hap long kum u ksew