Kyllon iap 2 ki pulit, kynthup u Khasi ha ki GNLA

Shillong, 01 Risaw:
Ar ngut ki pulit ka Meghalaya kynthup uwei u Khasi u la kyllon iap hynne ka janmiet sngi Palei ha ka jingshah hiar thma kynsan ha ki suba lehnoh ka Garo National Liberation Army (GNLA).
Kane ka jingjia ka la mih ha ka por 3 baje janmiet haba kine ki pulit ar ngut ki dang iaid da ka ar shaka kaba ki wanphai na iew ha Williamnagar, ka East Garo Hills.Ia kine kiba la khlad la tip kyrteng kum u  Helping Stone Nongkseh bad u Kanton Dalu. Baroh ngut ki dei ki pulit jong ka  6th MLP Battalion kiba la pyndonkam ha East Garo hills district.U Bah Nongkseh u dei na  Ri Bhoi district katba u Dalu u dei na Garo hills.Shen halor kane ka jingjia, ki pulit ki la pynlong ia ka jingkhynra bad thwet ia ki lehnoh ka GNLA kiba donkti ha kane ka kam.