Shillong: Ka HNLC, ka pynshai mynta ka sngi, halor ka khubor, kaba pyni, ba katei ka seng, ka dang iaid dawa pisa bad halor katei ka mat, ka HNLC, ka pynshai, ba ka dei ka kam jong ki riew shim kabu bad la ong shuh shuh, ba uba soi ia katei ka shithi ruh, um dei satia, u dkhot jong ka HNLC.
Kane ka dei ka mat kaba khia bha bad ka HNLC, ka maham ia kito kiba don bynta ban pyndonkam bakla, ia ka kyrteng jong ka seng bad la ong ruh, ba lada lap, ka seng, kan ai ia ka jing pynsaja, namar ba kane ka pynthut noh ia ka nongrim jong ka jingiakren iasuk bad ka sorkar.
Ka HNLC, ka ong shuh shuh, ba haduh mynta, kam pat don ka jing iasoi soskular iasuk hapdeng ka HNLC bad ka sorkar India, lane ka sorkar Meghalaya bad la ong ruh, ba kam don ka jingthmu satia ban pynbudnam iwei ia iwei pat.
Ka seng ka dawa ia ki bor jong ka ain, ba kin shim khia, ia kane ka shithi, kaba shu thaw thok bad ban ailad, ba ka jingiakren iasuk, kan iaid shakhmat bad la ong ruh ba ka HNLC, ka la buh ia la ki jong ki nongsyntiat jongka, ban lap ia kitei ki briew, kiba kyrteng u Shynshar Khymdeit bad u Samuel Wahlang. Ka HNLC, ka pynshai, ba katba ka jingiasoi soskular iasuk ka dang sahteng, kumta kito kiba kwah ban iarap ia ka seng, ki lah ban phah da ki jingnoh synniang jongki, ong ka kyrwoh, na u bah Saińkupar Nongtraw, General secretary cum Publicity secretary(HNLC).
Share iaki dur jong kita kiba dawa pisa ha kyrteng ka seng khnang ba ki paidbah kin ithuh ,bad Lada ki wan sha u paidbah ruh kin shah kyntait mardor.ngim dei ban ailad ia ki khawpud ban pynthud iaka Jingiakren iasuk jong ka seng,namar kiba leh kumta ki dei ki langiong bad ki nongkput nongshun jongka seng,ka kingsuk ka la dei por ban wanphai biang,hynrei iaki nongshun jaitbynriew dei ban rat dynkhong noh.