Plie ka DC ka East Khasi Hills, ia ka Monsoon Salon ba nyngkong

Shillong:Ka Deputy Commissioner jong ka East Khasi Hills District ka kong RM Kurbah, ka la plie ia ka Monsoon Salon ha Keating Road Police Bazar bad kane ka dei kaba nyngkong ha Meghalaya.

Haba kren lyngkot haba plie ia kane ka jaka ban pynbha briew, ka la ong ba ka jingdon kum kane ka Salon kan iarap shisha ha kaba pynbha briew la kynthei ne shynrang, la juh tip ruh ba ka Sor Shillong ka dei ka jaka kaba bit bha, ha ka riam ka beit.
Kane ka dei ka jaka pynbha briew kaba ka long Sabina Parvez Warjri, ka la ioh ia ka jingbit na ka kompeni Monsoon Salon ban buh ia kane ka jaka pynbha briew kiba katkum kane ka juk kaba mynta ha Nongbah Shillong.

Kane ka jaka pynbha briew ka don, ia ki jingpynbit pynbiang ha kine ki rukom, ka jingpynbha ia u Shniuh, Sniehdoh, Tyrsim, Niuhmat, bad jaka pynjah jrem ia ka met, mynta ym don kam shuh ban dang leit shawei, kine ki jingpynbha briew ki la don ha Shillong.

Hangne ki don shibun ki lad ki lynti kaba lah ban jied bad ki ban pynbit pynbiang ia ki jingdon kam dei ki briew kiba la wan ban pyntbit kyrpang. Ka Monsoon ka ka wan rah sha ki paidbah ia kane ka rukom pynbha briew ha ka dor kaba bit ryngkat ka jinglong dkhot kan pynmyntoi.

Naka bynta kine ki ar taiew ban wan ka Monsoon Salon kan ai ia ka jingpynduna dor kaba 30%. Ha katei ka sngi plie la wan ban sakhi lang bad ai khublei kit bok da kiba ha iing ha sem bad ki paralok parajor ia kane ka jingplie ia kane ka jaka pynbha briew.