Nongpoh:Ka lympung ialehkai badminton kaba la pyniaid da ka Ri Bhoi Youth Federation Paham lapong bad Pahamsohthri Unit kaba la tip kum ka 1st Badminton Tournament ka la poi noh sha kaba kut ha ka sngi Saitjain ha kaba la sakhi ruh ia ka jing iashimbynta da ki samla ialehkai na kylleng jong ka Ri Bhoi District.
Haba pynkut ia katei ka lympung ialehkai, la sakhi da ka jingdon u Ferdynald K Kharkamni, President ka KSU, North Khasi Hills District unit kum u kongsan ha ka jingiadonlang ruh u Bah Mathew Makdoh, Wor king President ka NSCA, u Bah Nelson Sohkhlet, President ka Nongpoh Badminton Club, Bah Bawan Marwein, Sport Secretary ka RBYF nalor ki nongkitkam jong ka Pahamlapong bad Paham sohthri Unit.
Khyndiat haba phai halor katei ka jingiakhun phainal, na ka liang ki nongialehkai ha ka Men’s Single, u Kieffer Shullai u la lah ban pynliem noh ïa u Kyrshan Thabah ban rah ïaka nam lahduh jong katei ka lympung. Ha ka Men’s Double ka kynhun jong u Kieffer Shullai bad u Kynsai ki la pynliem noh ïa u Orpan Nongrum bad u Phrangsngi Nongbri.
La sam ia ki khusnam pisa sha ki nongjop ha katei ka sngi bad kumjuh ruh kiba rem ryngkat ki momento, ïa ka nam Best Player la rah da u Ar pan Nongrum bad ka nam Best Veteran Player ba la rah da u Mihpli Wahlang.
Phi don ban ong eiei?