Pynshai u SP ia ki VDP Umkrem ban khang lad ia ki jingsniew

Shillong 30 Nailur:
U Superintendent of Police (SP) ka East Khasi Hills u Bah Mariahom Kharkrang u la hiar mynta ka sngi sha shnong Umkrem kaba don ha khappud bad ka Bangladesh ban pynshai ia ki Village Defence Party (VDP) bad ki paidbah jong katei ka shnong bad ki marjan kum ka Pyrdiwah bad kiwei kumno ban khang lad ia ki jingsniew.
Ka shnong Umkrem ka dei kawei kaba ju bna nam kum ka jaka rieh jongki seng lehnoh ha kine ki snem ba la dep.Ha kane ka jingpynshai paidbah la don lang u SDPO Bah Ian Onel Swer nalor ka jingwan iashim bynta ki rangbah shnong na ki shnong bapherbapher katei ka thain, ki khynnah skul bad ki riew paidbah.Ka jingpynshai paidbah ka long kaba ioh jingmyntoi bha ia ki paidbahkiba la pynpaw ia ka jingsngew tynnad ban ioh jingshai na ki hehpulit.U SP u la ong ba ka kyaid, ki drok ki dei ki nongwanrah ia kijingsniew ha shnong ha thaw bad ka dei ka kamram ka shnong baniatreilang bad ki pulit ban tehlakam ia ki jingsniew kiba mih na kineki jingsniew.U SP u la pynpaw ia ka jingnang kiew ki kam sniew bad kyntu ia kipaidbah ba ki dei ban ujor lada u nongniah kali u niah khlem akor.
“Lada u nongniah u kyntait ban sngap, dei ban ujor sha ki pulit”, laong u SP.U la kren ruh shaphang ka jingjur ka jingtuh ne ki kam runar ia kimashin thep bad sei pisa ne ATM .U Bah Kharkhrang u la batai ruh ia ka jingdonkam ban iashong sukshong sain ha shnong ha thaw.Katba u Bah Swer u la batai ia ka jingtreikam bad ka jingiadei jongki pulit bad ki VDP ban iarap ia ki pulit ban pynneh ia ka suk kasain.Na ka liang u Bah E Lamin Gassah u President VDP bad ka Kong Nerial
Khongji ka President ka Seng Longkmie bad u Bah L Tyngsong u Rangbahshnong ki la ai ia ka jingkren kiba la pyrto ba kane ka dei ka sien banyngkong ba ka shnong kan ioh ia ka jingshai na ki paidbah kum kane kajingialang.
Ia ka jingpynshai paidbah la pyniaid da u Bah S Edison Lamin Gassah.