Kurup biskit ksiar, kaba shongdor T.35 lak; shah kem 2ngut

Nongpoh:Hynnin ka miet ki Ri Bhoi ki la ioh ban kurup 6 tylli ki biskit ksiar ba thmu ban khaii ha ka jylla lyngba ka Ri-Bhoi bad kitei ki ksiar biskit ki la shongdor kumba T. 35 lakh.

Ka tyllong khubot na ki Pulit, la ong ba ka jingiohbat bad kem ki pulit, ka dei hadien ba ki pulit ki la ioh ka jingtip ba thikna ba ki don kiba thmu ban khaii ksiar sha ka jylla bad mar mar, ki la pynap shrip ha Kyrdeng Police Check Point ha kaba kila ioh ban bat kawei ka kali Volkswagen kaba don ia u Number AS-01-DT 7519.

Haba iadei bad katei ka jingjia, ki pulit ki la kem ia 2 ngut ki briew ba kynthup ïa u Vinod Kumar Sharma ba ñiah ïa katei ka kali u ba dei ba Jaipur, bad u Lalshyam Sharma na Rajasthan bad ioh ruh ban kurup 2 tylli ki mobile phone naka met jong ki bad naka liang ki pulit ki dang pynlong ka jingtohkit ïa kitei ki 2 ngut.