Shah bat ki kali, ba tah iit iong bad sa ka buh light VIP

Shillong:Ki pulit pyniaid kali ka Lumdiengjri police station, ki la bat noh ia ki artylli ki kali ba tah it iong ha ka sngi balang, namar ba ki pynkheiñ ia ka Motor Vehicle Act.

Kawei na kine ki kali kiba ki pulit, ki la bat ka dei kaba tah ïitiong katba kawei pat ka dei ka jingpynwan dur kaba long pyrshah ia ki kyndon jong ka aiñ MVA Act.

Kawei na kine ki kali ka dei ka Trok auto pickup ba don ia u Registration number ML-05 N 7192 bad kawei pat ka dei ka kali sumo kamai ba don ia u Registration number ML 05 G 5976 kaba la buh ia u tyndong lyer pynmih tdem, ki number plate bad buh ruh ia ki light VIP.

Na ka liang jong ki pulit ki la dain kuna noh ia kine ki kali, ki la weng noh ia kine ki it iong bad shim noh ruh ia ka VIP light jong katei ka sumo.