Shillong:Ka Myntri bad Nongaiktien ka Sorkar Jylla, ka Kong Ampareen Lyngdoh ha ka sngi Ba-ar, ka la ong ba ki Sengbhalang kiba pyrshah ïa ka jingpynïasoh lynti rel ha Ri-lum Khasi bad Jaiñtia, ki dei ban leit sha Mendipathar Railway Station bad ban pynlong ïa ka jingwadbniah la ka lynti rel ka la wanrah ïa ka jingrung kyrthep ki bar jylla, ka don ne em ka jingduhnong ne ïohnong.
Katkum ka jingong jong ka Myntri, ka lynti rel ka la wanrah ïa shibun ki jingmyntoi ïa ki paidbah ka Ri-lum Garo bad ma ka hi, kam pat ju ïohsngew ïa kano kano ka jingrung kyrthep ki mynder. Ka la bynrap ba kino kino ki kam ba ka Sorkar ka shim rai, kim dei satia ki ban long pyrshah ïa u paidbah.
Hynrei, ka Kong Ampareen ka la ban jur halor ka jingeh ban pynïasoh lynti rel, namar ka jingduna ki jaka madan bad ba bun ki dei ki jaka lum.
“Ngi don ïa ki jaka kiba long ranab lum. La kan long kaba seisoh ne em kan dei kaei kaei kaba ngin hap ban ïohi. Ka mat hangne ka long ba baroh ki kam ki don ïa ki minus bad ba long pyrshah beit (negative). Ha man ka por ba ka Sorkar ka pyrkhat ïa kaei kaba bha, mih ki jingpyrshah na ki paidbah,” ka la ong.
“Hooid, yn ym don ki Sorkar ki ban jam shakhmat bad leh ïa kiei kiba pyrshah da u paidbah namar ngi don hangne ban synshar na ka bynta ka jingmyntoi u paidbah. Balei ba ngin ïaid pyrshah ïa ka mon u paidbah,” ka la bynrap.
Don kiba pyrshah tang ban ioh nong shimet, don ruh kiba ngeit biet, hynrei kan sa don ka por lada kwah eh ruh yn ym ioh shuh. bala shynshar ka bieit bad ka ana