Shah dain kuna, u nongniah kali kamai, naba tah iit iong

Shillong:Ki pulit pynïaid kali ha nongbah Shillong kiba dei peitngor ïa ka ïaid ka ïeng u paidbah ban tehlakam ia ka jingpynkheiñ ia ki kyndon aiñ, mynhynnin ka sngi, ka 18 tarik u Naitung 2023, ki la ioh bat ia kawei na ki kali kamai na Shillong sha Umsning, kaba don ia u registration number ML 10 C 5814, namar ka jingtah ïit ïong kaba rben haduh 100 percent.

Ki pulit ka Lumdiengjri Police Station, ki la daiñ kuna ruh ia u nongniah jong katei ka kali bad la khoh noh mar mar ia ka plastic ïong kaba la tah ha katei ka kali.

Lah ban kdew ba dang shen ka East Khasi Hills District Police ka la bthah ba kan ai challan ia ki kali kiba pynkheiñ ia ki kyndon aiñ 92 bad 100 jong ka Central Motor Vehicle Rules, 1989 bad katkum ka section 177 jong ka MV Act yn tar bad khoh ia ki ïit ba tah plastic ïong.

Ki pulit ym tang katta, hynrei ki la pyrkhing ruh ia ka jingtah ïit ïong jong ki kali, hadien ba ka ophis jong u Superintendent Of Police East Khasi Hills District, ka la maham tyngeh ba kim dei satia ban tah ïit ïong ia ki ïit kali, namar ka long pyrshah ia ka aiñ.