Pynrem ka UNC, ba shah pyniap bein ka Naga, ha ki lehnoh Manipur

Imphal:Ka seng United Naga Council (UNC) ka la pynremjur ia ka jing shah pyniap jong kawei ka long kmie Naga bad ki la dawa ruh ba ka sorkar jylla ka dei ban thung da ka jingtohkit bad ban kem ia kiba donkti.

Ha ka 15 tarik naitung ka briew ba la tip kyrteng kum ka Lucy Merem, khun jong u Thoukal Merem, na ka shnog Narum kaba hap ha chandel District ka la shah rah da ka bor ha ki kynthei ba la tip kum ki Meira Paibis, ha kaba kine ki kynthei ki la aiti sha ka seng kaikhlaw ba thymmai ba la tip kum ka Arambai Tenggol, kaba la mih na ka jing ia umsnam ha jylla Manipur, ha kaba ka la shah pyniap hadien ba ki la tip ba ka dei ka longkmie Naga.

“Ngim lah satia ban mutdur ba ka seng kaba la kam ba ka dei ka ban tbeh jingshai na bynta ka jingsuk kan donkti ha ki kam pyniap briew. Ka UNC ka la pynremjur ia ki kam riewkhlaw ba ki la leh ia ki Naga ba shida wat hadien ba ki la tip ba ki dei ki Naga” ong ka kyrwoh.

Naduh ba ka la don ka jing ia umsnam hapdeng ki Meitei bad ki Kuki, ki Naga ki pynpaw bad kyntu barabor ba ka jing suk ka dei ban don ha kaba ki ïeng skhem ruh ia kane hduh kaba kut.
Ki katto katne ki kynhun, kiba pyrshang ban wanrah ia ka jingiakulmar, wat la na ka liang ki Naga ki long kiba iaishah, kine ki kynhun ki dei ki kynhun kiba dang tlot, kiba donkti ban pynjot pynpra ia ki ïing ki sem ha ki bun ki bynta ha kane ka jingiakulmar.

Ka sorkar jylla ka dei ban thaw noh kloi ia ka komiti bad ban kem ia kito kiba donkti, kynthup ia ki Meira Paibis, kiba ia sylla lang ha kane ka kam sniew, ha kaba dei ban pynshitom katkum ki kyndon aiñ ia kiba donkti ban pyniap ia ka para Naga, katkum ka customary law jong ki Naga.

Ka seng jong ki Meitei ba la tip kum ka Meitei civil society organisation ka dei ban shim ka jingkitkhlieh, namar ka dei kaba don bynta ha ka jing shah pyniap bein jong ka Lucy Merem, ka jingpakhang Shnog ba 12 kynta yn pynlong ha ki bynta ba shong ba sah da ki Naga ha jylla Manipur, ka por pakhang Shnong kan long naduh ka 6.00 mynstep haduh 6.00 baje janmiet jong ka 17 tarik naitung, ha kaba la ai por ruh 48 kynta ia ka sorkar jylla, ba kan shimkhia haba iadei bad kane ka jingdawa.