Bat U Lat ka Jylla ia ka kam Lat ha Manipur

Shillong, 29 Nailur:
Hadien ka jingkhlad noh u Lat ka jylla Manipur u Syed Ahmed uba la khlad noh ha ka 27 tarik mynta u bnai , u President ka ri u Pranab Mukherjee u la aiti ha u Lat ka jylla Meghalaya u V.Shanmuganathan ban bat shipor kum u Lat ka jylla Manipur nalor ba u bat kum u Lat ka jylla Meghalaya haduh ban da pynbna thymmai. U Lat ka Manipur u la khlad noh hadien ba la ban ka jingpang bampong kaba la bat slem ia u, u la shimti kum u Lat ka Manipur ha ka 16 tarik u jymmang, 2015. Katba u Shanmuganathan ruh u la wan ban shimti kum u Lat kane ka jylla ha u jymmang, 2015. U Shamuganathan u dei u nongtrei shitrhem jong ka seng RSS ha ki por kiba mynshuwa bad u la pyniasoh sha ka seng BJP ha u snem 2003 bad ha u 2015 la thung ia u kum u Lat ka jylla Meghalaya.