Shillong:U Nongmihkhmat barim ka India, u bah Rudy Warjri, u la ong ba kano kano ka ain kaba shna ka dei ban long na bynta kata ka mat, ym ban shu pyn madan lut ia baroh namar ba kan wanrah ka jingma. U bah Rudy u la iakren ia kane halor ka jingthmu ka sorkar India ban pyntreikam ia ka Uniform Civil Code (UCC) ia baroh ha ka ri, kaba lah ban wanrah pynban ia ka jingkyn rum kynram ha ka ri.
Haba kren ha ka jingiakop tyrko ka UDP ha ka Shillong ha ka 12 tarik mynta u bnai, u bah Rudy u la ong ba katkum ka artikil 44 la kdew ia ka UCC hynrei ka dei tang ka jingpyrshang. “Ka artikil 44 ka kren ia ka UCC ba ka dei ka jingpyrshang ka sorkar hynrei wat klet ba ki don kiwei pat ki artikil kiba kham kongsan kum ka artikil kaba kren ia ka hok ban im”, la ong u bah Rudy.
U la ong ba ha ka ri India kumba 8 milian ki nongshong shnong ki im ha ki skhim imlang sahlang kum ki marbam, ki mardih kiba iarap ka sorkar bad kine ki mat kiba ktah ia ka jingim jong u briew ki long kiba kham donkam ban ia ka UCC bad kane ka dei kaba donkam ban iapyni nia.
Ha ka jingsngew jong u, u la ong ba kam long kaba bha ban shu pyntian jubor ia ka UCC na ka bynta kano kano ka jingthmu namar ba ka India ka dei ka ri kaba bun tam ki jaitbynriew kiba shong ha ka ban ia kiwei pat ki ri ha ka pyrthei.
U la ong ba balei kane ka jinglong jingman ka long kaba jngut namar ba ka don ka jinglong jingman ki sawdong sawkun kaba jngut. Lada pyndonkam ka ktien Uniform ka mut baroh ka long kumjuh ia baroh bad baroh lada ka trei kam ne ne em.
“Wat pyntian jubor ia ka UCC na bynta kano kano ka jingthmu kyrpang, kan ym lah ban treikam. Ka India ka dei ka ri kaba iar bha ha kaba ki don bun bah ki nongshong shnong na ki jaitbynriew bapher bapher”, la ong u bah Rudy.
kaba dei shisha kumta kumba ong ma phi bah Rudy nga ruh nga ai ka jingkyrshan ia kane.