Ki Hima Khasi, kim dei ban leit sha Assam

Sphondar Thongni, Thiepdiengngan-Keniong, Mawkyrwat

Dang ha kine ki sngi ngi ïohi ha ki Khubor ba ha ki thaiñ area Langpih West Khasi Hills District katkum ka jingïathuh jong I bah Paul Lyngdoh,ba don katto katne tylli ki shnong kiba kwah ban leit bad ka Assam.Na ki 52 tylli ki shnong 11 tylli kiba kwah ban leit sha ka jylla Assam.Kam long ka rukom ban ailad ïa kata ka jingkwah jong ki ba kin leit sha Assam, lada ki dang dei hapoh u pud jong ka hima Khasi ne hapoh ka District West Khasi Hills.

Katkum ka khubor ba ngi ïohi ba kine ki 11 tylli ki shnong ki kwah ban leit sha Assam tang na kadaw ba ki sngew Jan na ka jingngeit Niam ba dei kiba ngeit ha ka Niam Hindu.Ki bor District,ki bor Hima bad ka District Council ki dei ban peit bniah katkum ki jaka lada kita ki 11 tylli ki shnong ki dang dei ki shnong kiba hap hapoh ki Hima Khasi ne hapoh ka District West Khasi Hills ym lah ban ban ai sha ka Assam tang na ka jingngeit Niam jong ki.Wat lada ha kita ki 11 tylli ki shnong la shong shnong da kiwei pat ki jaitbynriew bym dei Khasi ruh ki dei ban kohnguh bad hun haba kita ki shnong ki dang hap ha ki Hima Khasi ki dei hok ban don hapoh ka Meghalaya.

Ym lah ban pdiang ba tang na ka jingïapher ka jingngeit Niam yn shu leit noh sha Assam bad na ka liang ki bor ba halor ne wat ka sorkar Meghalaya ruh kam dei ban ailad kum kata tang na ka daw ka jingsngew ïapher Niam yn shu pynhun ïa ka jingkwah jong ki katto katne kiba ban leit noh sha Assam tang na ka Niam.