Yn dang iai bteng, ban slap jur, ha ka jylla, ong ka IMD

Shillong: Ka nongbah Shillong, hynnin ka sngi, ka ioh slap 43.9mm, katba mynta ka sngi, ka ioh 4.4mm. Ka Sohra, hynnin ka sngi, ka ioh slap, 203.2mm, katba mynta ka sngi, kaba dei naduh ka por 8.30 mynstep, haduh ka por 2.30 nohsngi, ka ioh slap 35.6mm. Ka Umiam, hynnin ka sngi, ka ioh slap 4.5mm, katba mynta ka sngi, ka ioh tang 0.5mm.

Ka tnat peit mariang jong ka sorkar India, ka India Meteorological Department (IMD), ka pyntip, ba lashai ka sngi, kan hap slap malu mala lane kaba kham jur, ha ka nongbah Shillong bad ki shnong ba marjan. Ha ki bynta jong ka jylla, kan don ka jinghap slap kaba jur bad kaba jur bha bad kan don ruh ka jingmeh leilieh bad ka jingtied pyrthat.