Haduh 12baje shiteng synnia, kwah khang ki nongdie dukan ha Sor

Shillong:Tang shi sngi hadien ba ki bor pyniaid distrik jong ka East Khasi Hills District ki la khang pyrshah ban plie dukan, ki jaka die jingbam bad kiwei pat ki kam ha Nongbah Shillong, ki nongdie dukan surok ki la buh ka jingkyrpad ia ki bor pyniaid distrik ba ki dei ban ailad ba ki dukan kin plie haduh ka por 12 baje shiteng synnia.

“Ka long kaba shngaiñ, ngi don hangne bad ki dukan jong ngi ki plie ha ka por mynmiet” ong kawei na ki trai dukan ba shong dukan ha rud surok. “Ngi la buh ka jing kyrpad sha ka Deputy Commissioner ba kin ailad ba ki dukan kin plie haduh ka por 12 baje mynstep, namar ban khang ha ka por 10 baje mynmiet ngi duh nong bha”.

Na ka liang jo ng ka deputy commissioner jong ka East Khasi Hills District, ka kong R.M Kurbah ka la iathuh, ba ka rai ban mana plie dukan palat ia ka 10 baje mynmiet, ka dei kaba la peit bniah na baroh ki bynta khamtam lei haba iadei bad ka jingbun jong ki kam pynkheiñ ain hapoh ka Nongbah.

Ka hukum ka la wan hadien ba bun ki jingjia kulmar, kiba la jia ha kylleng jong ka nongbah Shillong, khamtam lei ha ki por mynmiet, ha kaba la mana ruh ba ia kito kiba donkti ban pynkheiñ ain, yn sa pynngat ha ki kyndon ain jong ka section 188 jong ka indian penal code.

Dang ha ka taiew ba la lah ki riew shim kabu ki la thombor ia ka Laitumkhrah police station, ha kaba kawei ka kali kaba don ha bar ka Police station ka la kem ding bad la kem noh ruh ia ki nongbuaid kiba la donkti ha kane ka jingjia.