Ther jubor u lapbah Sohra, duna tam u slap ha Umiam

Shillong: Ka nongbah Shillong, ka ioh slap 31.4mm, hynnin ka sngi, katba mynta ka sngi, ka ioh 3.6mm. Ka Sohra, hynnin ka sngi, ka ioh slap 255.6mm, katba mynta ka sngi, ka ioh 42.4mm. Ka Umiam, hynnin ka sngi, ka ioh slap 11.5mm, katba mynta ka sngi, ka ioh 0.9mm.

Ka tnat peit mariang, jong ka sorkar India, ka India Meteorological Department (IMD), ka iathuh ba lashai ka sngi, kan don ka jinghap slap, kaba malu mala lane kaba kham jur, ha ka nongbah Shillong bad ki shnong ba marjan jongka. Ha kiwei ki bynta jong ka jylla, ka lah ban don ka jingtied pyrthat bad khie eriong bad kan don ruh ka jinghap slap, kaba jur bad kaba jur bha, ha ki katto katne ki jaka.