Shillong:Haba pynpaw ia ka jingeh ban pynkylla ne pynkiew kyrdan deficit lut ia baroh ki nonghikai Adhoc naduh ki SSA, bad kiwei, ha ka jylla u myntri ka tnad pule puthi, u Rakkam A Sangma, u la ong ba ka jinglut kam long shuh kaba kai, ba ka sorkar kan pynmih pisa.
Haba kren mynhynnin ka sngi, u Rakkam u la ong ba wat ka calculator rit ruh kam don jaka shuh ban khein ia ka jinglut ban siew tulop, lada pynkylla Deficit lut ia ki nonghikai. Hynrei ha kajuh ka por, u la ong ba ka sorkar kam shym la sheptieng ban pynbeit ia kane ka mat bad kan iai thaw lad namar haba don ka mon ka lynti ka don.
“Ym tang ki Upper Primary, naduh ki Lower Primary, Secondary, Aided Skul, SSA kila dawa ban pynlong deficit hynrei kam lah ban long ia mynta hynrei ka sorkar ka dang thaw ia ki lad ki lynti. Haba don ka mon ka don ka lynti”, la ong u Rakkam.
U la kyntu ia ki nonghikai ba kin shim khia ban pynthymmai ialade ban aiti na bynta ka lawei jong ki khynnah skul ka jylla.
Haba pynpaw ba ka jinglut kan long kaba jur haduh katta da ki spah klur, u Rakkam u la ong, “Nga kyrpad ia ki nonghikai ban wanrah ia ka pule puthi kaba bha tam na bynta ki khynnah ka jylla naduh ka mynsiem”.
U la bynrap, “Kan don ka jinglut kaba haduh katta katta, wat ka Calculator kaba rit kam don jaka shuh ban khein, ka dei ka jingkit kaba khia jubor haba iadei bad ka jinglut”.
Lah ban kdew ba dang shen, ka seng ki nonghikai Upper Primary jong ki Skul adhoc dang shen kila dawa na u myntri ban pynkylla ne kyntiew kyrdan noh ia ki nonghikai Adhoc kiba don phra ngut tam ha ka jylla.
Tang ka jingeh bad jingpynduh jingkyrmen suda kat sha ba phai ia ngi ki nonghikai. Kyntiew deficit da kaba leh phase wise, nyngkong ia kiba la don ha ka proposal bad kumta ter ter.
Ka sorkar ka lah dei ban kyntiew kyrdan ne regularize ia ki nonghikai SSA bad adhoc da ka phase wise basis kumne harum:-
1.ia ki nonghikai ba lah shakri 10 snem shaneng(senior most).
Lane
2.ia ki nonghikai ba lah qualified ,ba pass D.el.ed ne B.ed bad MTET kat kum ka jingkwah jong ka sorkar jylla ne NCTE NORMS.Kane kan pynsuk shibun ia ka sorkar ban leh ia kaba bha tam na ka bynta ki nonghikai.