Pynrem ka VPP, ba pynjot ia ka kali pulit

Shillong:Ka Voice of The People Party (VPP) East Shillong constituency, ka pynrem jur ia ka jing pynjot pynpra ia ki ïing ki sem ba la dei trai da u paidbah ha Beat house Laitumkhrah.

Haba iakren bad ki nonglum khubor, u kyrtong jong ka parti VPP ha ka elekshon MLA ba dang shu dep na East Shillong Constituency, u bah Avner Pariat, u la ong ba ki paidbah kim dei satia ban shim ia ka aiñ ha la ka kti lajong.
Ka jingiakul mar ka lah ban don, hynrei ban pynpra ia ki tiar kiba dei trai da u paidbah khlem ki daw ba biang kam dei satia ban long.

U kwah ruh ba ki pulit ki dei ban tih bniah ia ka daw tynrai haba iadei bad ka jingjia ba la jia ha DHS, namar kiba kum kine ki jingpynthut bad pynkulmar ki dei kiba ym lah satia ban pdiang.

“Ka Laitumkhrah kam dei satia ka jaka ban wan da ka jing-buaid bad ban pynkulmar pat, lada kim leh ia kine ha iing balei ki wan ban halla hangne?”, ong ka kyrwoh, na U bah Pariat.