“Ka ain khang bam ar maloi ka donkam ban mynjur u Lat”

Shillong, 28 Nailur:
U Symbud Myntri rangbah ka jylla ba peit ia ka tnad ain u Bah Rowel Lyngdoh u la ong ba ka ain khang bam ar maloi ka Prevention of Disqualification (Members of the Legislative Assembly of Meghalaya) Amendment Bill, 2015 kaba pdiang da ka iing dorbar ha kane ka dorbar synrai ba dang shen,kadonkam ia ka jingmynjur jong u Lat ka jylla.
“Ngi la bthah ia ka tnad ain ba kan aiti sha u Lat ba un ai ia ka jing mynjur ia ka ain ba la pdiang da ka Iing dorbar”, la ong u Bah Rowel haba iakren bad u Rupang ha kane ka sngi Nyngkong.
U la ong ba ka jingmynjur jong u Lat kan long tang ka rukom namar baka sorkar ka la buh ba ka ain kan treikam beit naduh ka 1 tarik Risaw,2015.“U Lat u lah ban nym mynjur hadien ka 1 tarik Risaw ruh, hynrei kaain kan treikam beit naduh ka tarik ba la buh ka iing dorbar”,la ong uBah Rowel.
Katkum ka jingong u Bah Rowel ka ain kan iaid kumba ju dei ban leh ha kaba kan ioh ia ka jingmynjur na u Lat bad kan sa treikam tangba shisien ba ka sorkar ka la rai ban pyntreikam naduh katei ka sngi, kampher wat lada u Lat un mynjur hadien katei ka tarik ruh tangba ynda ka la treikam, yn khein beit naduh katei ka sngi.Kane ka mut ba kito ki MLA ki bym iehnoh ia ka kam MDC ne MLA shwa ia katei ka tarik kin shah takrain ha katei ka ain.
Halor ka jingthmu ujor u Bah Pynshngain Syiem pyrshah ia ka ain ba lapdiang da ka iing dorbar thawain, u Bah Rowel u la ong ba kam pat poika jingiakren ha ka party. Hynrei na ka liang u Bah Rowel u la ai ksai ba ka seng, kan sa shim pynshitom ia u lada u ialeh pyrshah ia ka rai ka sorkar bad jong ka seng.