Ka jinglynshop jong u slap, ka la pynjulor shibun ia ki mar rep

Shillong:Ka jingjur bad lynshop jong u slap, ha kine ki bnai ba mynta, ka la pynjulor shibun ia ki mar rep baroh bad ka la wanrah ruh ia shibun ki jingduhnong ia ki nongrep ha kylleng ki jaka.

Ha ka jingia kren bad ki nongshong die jhur ha Iewduh, myn ta ka sngi, ha ka lah sngi u Blei ka 3 tarik u Naitung 2023, ki la ong ba ki jhur baroh ki la kiewdor lut kiba kyn thup ia u Soh saw, Salad, Dhonñia, Tyrso bad kiwei kiwei de ki jait jhur ki ba la kiewdor bad ym tang ki jhur ba na shane kiba kiewdor, hynrei ki jhur ba na shabar ruh mynta, ki la kiewdor lut baroh.

Ka jingkiewdor ki jhur ha iew ka la sdang ha kine ki taiew, ba la dep naduh ba wan u slap.
Ka jingjur u slap ka daw, ba la pynlong, ia ki jhur baroh ba kin kiewdor lut, namar ki nongrep ki la kham duna ka jingioh ong ki nongshong die jhur.

Shuh shuh ki la pynpaw ruh ba naduh ba sdang kiew dor ka iew jong ki, ka la hiar shaba palat, namar ki nongthied ba ju thied bun man ka por, ki la hap ban shim noh tang khyndiat, namar ba ki la rem palat, ki la iathuh ruh ba ki nongwan thied ki ia ud, hynrei ki don pat kiba thied beit, watla ka la kiewdor ruh.