Ki dawai ba bret sha marten, dei kiba la kut por, ong ka DHS

Shillong:Ka Director ka ka tnad ka koit ka khiah ka jylla ka la pynshai mynhynnin ka sngi ba ki dawai kiba la bret sha marten dang shen, ki dei kiba la kut por.

Ha ka kyrwoh ba la pynshai halor kane mynta ka sngi, ka tnad ka koit ka khiah ka la ong ba ki dawai ba la bret ha marten ha ka 29 tarik Jylliew 2023, ki dei kiba la dawa ki District bad ki jaka sumar bapher bapher ha ka jylla. Ia kine ki dawai la thied bad la sam sha ki jaka sumar bapher bapher ha ka jylla, bad la buh ia kine ki dawai ha Central Medical Store ban phah wut wut haba don kano kano ka jingdonkam kyrkieh.

Hynrei namar ba wan syllad u Covid-19, kine ki dawa kila sahkut noh ha Central Medical Store namar ba kam don kano kano ka jingdawa kyrkieh bad ki dawai kila kylla kut por noh na ka jingneh slem ka khlam Covid-19.

Ka tnad ka koit ka khiah ka la kam ruh ba la hap ban bret noh ia kine ki dawai namar ba la shlei ka jaka buh dawai khnang ban ioh ban buh pat da kiwei ki dawai ba wanrah thymmai. Halor kane, uba peit u Pharmacist ka Central Medical Store ula pyntip sha ka Director ban bret noh ia kine ki dawai ba la kut por bad ka tnad ka koit ka khiah ka la phah ban bret noh ia kine ki dawai.
Lah ban kdew ba kumba 3 trok ki dawai la bret ha Marten ha kane ka taiew ba la dep kaba la wanrah ka jingpeitkhmat jong ki paidbah ia ka jingtreikam ka tnad ka koit ka khiah ka jylla.